Skip to content Skip to left sidebar Skip to right sidebar Skip to footer

News

INSTITUTE OF ENVIRONMENTAL GOVERNANCE NG SLSU, BUMISITA SA BAYAN NG QUEZON PARA SA SOLID WASTE MANAGEMENT AT MANGROVE CONSERVATION.

Quezon, Quezon—Naging makabuluhan ang pagbisita ng Institute of Environmental Governance (IEG) ng Southern Luzon State University (SLSU) sa Pamahalaang Bayan ng Quezon sa pamumuno ng ating Punong Bayan, Kgg. Juan F. Escolano, kung saan tinalakay ang mga planong pangkalikasan, kabilang ang pagpapatupad ng Area Specific Action Plan (ASAP) sa Solid Waste Management at ang pagtatatag ng Mangrove Nursery at Aquasilviculture Project.

Sa isinagawang pulong kasama ang mga opisyal ng Pamahalaang Lokal sa pangunguna ni G. Jhon Errol D. Sisperez mula sa Quezon MDRRMO, Bb. Remelyn Oliveros mula sa MPDC/MENRO at Bb. Leizel Jimenez mula sa MAO, tinalakay ng IEG-SLSU ang mga epektibong estratehiya sa solid waste management, kabilang ang, pagtatatag ng mas epektibong sistema ng segregation, collection, at disposal ng basura pagsulong ng waste reduction programs tulad ng composting at recycling; at pagpapalakas ng community participation at edukasyon sa tamang pagtatapon ng basura.

Bukod sa solid waste management, tinalakay din ng IEG-SLSU ang kanilang suporta sa pagtatatag ng Mangrove Nursery at Aquasilviculture Project sa bayan. Layunin ng proyektong ito na mapalakas ang proteksyon laban sa coastal erosion at climate change, mapanatili ang balanse ng marine ecosystem sa pamamagitan ng rehabilitasyon ng mga bakawan at makapagbigay ng karagdagang kabuhayan sa mga lokal na mangingisda sa pamamagitan ng sustainable aquasilviculture.

Matapos ang pagbisita, tiniyak ng Pamahalaang Lokal ng Quezon sa pamumuno ng ating Punong Bayan, Kgg. Juan F. Escolano at IEG-SLSU na magpapatuloy ang kanilang koordinasyon upang maipatupad ang mga nabanggit na proyekto. Kasalukuyang inihahanda ang mga kinakailangang plano, pasilidad, at pagsasanay na magiging bahagi ng implementasyon.

Samantala, hinihikayat ang lahat ng mamamayan ng Quezon na makiisa sa mga programang ito upang matiyak ang isang malinis, maayos, at sustainable na kapaligiran para sa kasalukuyan at hinaharap na henerasyon.

#SerbisyongJuanForAll #BakaQuezonYan #QQAangat #QQUpdates #MQQPIO

RA 11310 O 4Ps LAW, CVS AT F1KD ORIENTATION, ISINAGAWA SA QUEZON, QUEZON

Quezon, Quezon—Upang mapalalim ang kaalaman ng mga guro, kawani ng Department of Health (DOH), at Child Development Workers (CDWs) sa mga mahahalagang programang pangkalusugan at pangkabuhayan ng pamahalaan, isinagawa kamakailan ang Orientation on Republic Act 11310 o 4Ps Law, Conditional Cash Transfer Verification System (CVS), at First 1000 Days Program (F1KD) sa Senior Citizen’s Building, Barangay 5, Quezon, Quezon na pinangunahan ng lokal na tanggapan ng Pantawid Pamilyang Pilipino Program sa pamumuno ni Mr. Dexter Glodoviza.

Pinangunahan ang orientation ni G. Paul Marco R. Lavarro, CVS Focal ng Cluster 4, kung saan ipinaliwanag niya ang kahalagahan ng mga naturang programa sa pagpapaunlad ng buhay ng mga pamilyang benepisyaryo.

Binigyang-diin sa orientation ang Republic Act 11310 o ang Pantawid Pamilyang Pilipino Program (4Ps), isang pambansang programa na nagbibigay ng tulong pinansyal sa mga mahihirap na pamilya kapalit ng pagsunod sa ilang kondisyong pangkalusugan at pang-edukasyon.

Ipinaliwanag din sa programa ang Conditional Cash Transfer Verification System (CVS), isang sistema na sumusubaybay sa pagsunod ng mga benepisyaryo sa mga kondisyon ng 4Ps. Inilahad ni G. Lavarro ang kahalagahan ng tamang datos at dokumentasyon upang matiyak na ang tulong pinansyal ay napupunta sa mga kwalipikadong pamilya.

Isang mahalagang bahagi rin ng orientation ang First 1000 Days Program (F1KD), na nakatuon sa nutrisyon at pangangalaga sa kalusugan ng mga sanggol mula sa sinapupunan hanggang sa kanilang ikalawang kaarawan.

Patuloy na hinihikayat ng Pamahalaang Lokal ng Quezon sa pangiunguna nf ating Punong Bayan, Kgg. Juan F. Escolano at ng Lokal na Tanggapan ng 4Ps ang pakikiisa ng buong komunidad upang masigurong epektibo ang implementasyon ng mga programang ito para sa mas maunlad at mas malusog na hinaharap ng bawat pamilyang Quezonian.

#SerbisyongJuanForAll #BakaQuezonYan #QQAangat #QQUpdates #MQQPIO

Suporta sa 4Ps at F1KD Program, Mas Pinalawak sa Pakikipagtulungan ng MSWDO at DSWD katuwang ang Pamahalaang lokal ng Quezon.

Quezon, Quezon—Sa pakikipag-ugnayan ng Municipal Social Welfare and Development Office (MSWDO) sa pangunguna ni Gng. Erma R. Barretto, RSW at ng lokal na tanggapan ng Pantawid Pamilyang Pilipino Program sa pangunguna ni Mr. Dexter Glodoviza, bumisita sa Tanggapan ng Punong Bayan, Kgg. Juan F. Escalano, ang ilang kinatawan mula sa Department of Social Welfare and Development (DSWD) Central at Regional Office upang talakayin ang mahahalagang programa para sa mga benepisyaryo ng Pantawid Pamilyang Pilipino Program (4Ps) at iba pang sektor sa komunidad.

Isa sa pangunahing layunin ng pagbisitang ito ay ang Compliance Verification System Discussion at Orientation Meeting para sa Listahanan: E-Registration Program, na naglalayong tiyakin ang maayos na implementasyon ng 4Ps at matukoy ang mga kwalipikadong pamilya na maaaring maisama sa programa.

Bukod dito, tinalakay rin ang F1KD Program (First 1000 Days) na nakatuon sa pagbibigay ng karagdagang suporta sa mga buntis at mga ina na may anak na may edad 0-2 taong gulang. Layunin nitong mapalakas ang kalusugan ng mga bata sa kanilang unang 1000 araw ng buhay upang maiwasan ang malnutrisyon at iba pang suliraning pangkalusugan.

Kaugnay rin ng pagdiriwang ng 2025 National Women’s Month na may temang “Babae sa Lahat ng Sektor, Aangat ang Bukas sa Bagong Pilipinas,” binigyang-diin ang papel ng kababaihan sa pagpapaunlad ng bayan. Sa kanyang Closing at Inspirational Remarks, pinasalamatan ni Gng. Erma Rodriguez Barretto ang lahat ng lumahok sa pagpupulong at binigyang-diin ang kahalagahan ng patuloy na pagsuporta sa mga programang pangkawanggawa.

Isinagawa rin ang Home Visitation for Grievance Case, kung saan personal na binisita at inalam ang kalagayan ng ilang pamilya upang matugunan ang kanilang hinaing at pangangailangan.

Ang pagpupulong na ito ay isang patunay ng patuloy na pagsisikap ng DSWD at lokal na pamahalaan na tiyakin ang mas epektibong serbisyo para sa mga nangangailangang mamamayan, lalo na ang mga kabilang sa 4Ps at kababaihang Pilipino.

#SerbisyongJuanForAll #BakaQuezonYan #QQAangat #QQUpdates #MQQPIO

PAGDIRIWANG NG FIRE PREVENTION MONTH SA BAYAN NG QUEZON, MATAGUMPAY NA SINIMULAN.

QUEZON, QUEZON – Matagumpay na isinagawa ang Kick-off Ceremony ng Fire Prevention Month 2025 sa Bayan ng Quezon noong ika-1 ng Marso, na sinimulan sa isang makulay na motorcade na lumibot sa pangunahing lansangan ng bayan. Ang nasabing programa ay pinangunahan ng Quezon Bureau of Fire Protection (BFP) sa pangunguna ni SF01 Simeon C. Sasot Jr., Caretaker/OIC, katuwang ang Pamahalaang Bayan ng Quezon sa pangunguna ng ating Punong Bayan, Kgg. Juan F. Escolano katuwang ang Sangguniang Bayan sa pamumuno ng ating Ikalawang Punong Bayan, Kgg. Pedrito L. Alibarbar.

Dinaluhan ito ng iba’t ibang organisasyon, barangay officials, at mga kawani ng pamahalaan, layunin ng programa na ipalaganap ang kamalayan ukol sa kahalagahan ng fire safety at prevention upang maiwasan ang sunog sa mga tahanan at establisyemento.

Sa maikling programa, nagbigay ng mensahe ang ating Punong Bayan bilang Pangunahing Tagapagsalita, na kinatawanan ng ating Pambayang Tagatasa, G. Roden G. Rea, kung saan binigyang-diin ang papel ng bawat mamamayan sa pagpapanatili ng kaligtasan laban sa sunog. Pinuri rin niya ang pagsisikap ng BFP at iba pang katuwang na ahensya sa pagpapatupad ng mga hakbang upang maprotektahan ang bayan mula sa sakuna.

Bilang pagpapakita ng pagkakaisa sa layunin ng kampanya, nagtapos ang programa sa isang makabuluhang Covenant Signing, kung saan lumagda ang mga kinatawan ng pamahalaan, BFP, at iba pang organisasyon bilang tanda ng kanilang pangakong aktibong susuporta sa fire prevention initiatives ng bayan.

Sa pamamagitan ng ganitong mga aktibidad, patuloy na isinusulong ng Pamahalaang Bayan ng Quezon at BFP ang pagiging handa at maagap sa pag-iwas sa sunog, upang matiyak ang kaligtasan ng bawat.

𝐌𝐠𝐚 𝐡𝐚𝐤𝐛𝐚𝐧𝐠 𝐮𝐩𝐚𝐧𝐠 𝐦𝐚𝐩𝐢𝐠𝐢𝐥𝐚𝐧 𝐚𝐧𝐠 𝐩𝐚𝐠𝐩𝐚𝐬𝐨𝐤 𝐧𝐠 𝐀𝐒𝐅 𝐬𝐚 𝐚𝐭𝐢𝐧𝐠 𝐛𝐚𝐲𝐚𝐧

Ang ating Pamahalaang Bayan sa pamamagitan ng Pambayang Agrikultor ay muling nagpapaalala sa lahat na ang virus na kumakalat sa baboy o African Swine Fever (ASF) ay patuloy pa rin ang paglaganap sa ating lalawigan.

Amin din pong ipinababatid sa inyo na ang ating bayan at dalawang bayan dito ay nananatili pa rin na ASF-free o walang kaso ng ASF. Upang mapanatili ito, ang ating bayan pamahalaang bayan katuwang ang dalawa pang bayan dito sa isla at ang Tanggapan ng Panlalawigang Beterinaryo ay patuloy na magsasagawa ng mga hakbang upang hindi makapasok ang ASF virus sa ating isla.

𝐀𝐟𝐫𝐢𝐜𝐚𝐧 𝐒𝐰𝐢𝐧𝐞 𝐅𝐞𝐯𝐞𝐫 (𝐀𝐒𝐅)

Sa pakikipag-ugnayan ng Tanggapan ng Panlalawigang Beterinaryo sa mga bayan ng Quezon, Alabat at Perez, pinag-usapan ang mga hakbang upang mapanatiling ASF-Free ang tatlong bayan na isa sa dalawang lugar na natitirang ASF-Free sa buong Luzon. 

Isinagawa ang pagpupulong sa Alabat sa pangunguna ng kanilang Punong Bayan MGEN Fernando L. Mesa (Ret.) na dinaluhan ng Panlalawigang Beterinaryo at ng ating Punong Bayan Kgg. Ma. Caridad P. Clacio at mga miyembro ng Sangguniang Bayan, Tanggapan ng Pambayang Agrikultor, MDRRMO at PNP na nagmula sa tatlong bayan. 


Naging malaya ang talakayan ng bawat isa at nagkaroon din ng workshop kung saan mas napag-usapan dito ng iba’t ibang grupo ang mga problema na kanilang nakikita at nararanasan, at ng sa ganun ay magawan agad ng plano at hakbang upang mapanatiling walang kaso ng ASF ang buong isla.

𝐋𝐚𝐮𝐧𝐜𝐡𝐢𝐧𝐠 𝐨𝐟 𝐞𝐁𝐏𝐋𝐒 𝐚𝐧𝐝 𝐓𝐞𝐜𝐡𝟒𝐄𝐃| 𝐉𝐚𝐧𝐮𝐚𝐫𝐲 𝟔, 𝟐𝟎𝟐𝟏, 𝟗:𝟎𝟎 𝐚𝐦

Sa pangunguna ng ating Punong Bayan Kgg. MA. CARIDAD P. CLACIO at Pangalawang Punong Bayan Kgg. LEO L. OLIVEROS ay isinagawa ang Launching of Electronic Business Permits and Licensing System (eBPLS) and Technology for Education, Employment, Entrepreneurs, and Economic Development (Tech4ED).

Lubos ang ating pasasalamat sa Department of Information and Communications Technology (DICT) sa pagkakaloob ng mga proyektong ito, gayundin sa Department of the Interior and Local Government (DILG) at Department of Trade and Industry (DTI).

Umasa po kayo na ito ay mapapakinabangan tungo sa kaunlaran ng ating mga mamamayan sa pamamagitan ng ating BPLO-Designate Mr. JEFFREY M. PACLIBON at Tech4ED Center Manager Mr. JHON ERROL D. SISPEREZ.

Vaccination Updates

Ayon sa huling ulat ng ating Quezon Provincial DoH Office.Top 11 tayo sa may pinakamataas sa nakatanggap ng kumpletong doses ng bakuna (51.89% ng target population)

Top 3 po sa nakatanggap ng isang dose (77.38% ng target population)Patuloy pong napapatunayan na ligtas ang mga bakuna at ang mga nararamdamang side effect ay kadalasang pansamantala lamang at madaling lunasan.

Higit pa rito, patuloy na napapatunayang epektibo ito upang maiwasan ang pagkaospital dahil sa COVID-19 at pagkamatay mula rito.

Salamat po sa patuloy na pagtitiwala at pakikipag-isa sa ating sistemang pangkalusugan upang maprotektahan ang ating bayan mula sa pagtaas ng malalang COVID-19.

CoViD-19 Updates in Quezon, Quezon as of October 12, 2021

PABATID!!!
Makikita po sa mga sumusunod na ang ating Bayan ng Quezon, Quezon ay mayroong:

Dalawang bagong Recovered
Dalawang bagong nag Positibong kaso sa COVID-19 na mayroong sintomas.

Ngayon araw ay mayroon po tayong 12 kabuuang aktibong kaso ng COVID-19 dito sa Bayan ng Quezon, Quezon.

Ang ating IATF po ay nasa proseso ng karagdagang pagcocontact-tracing upang magabayan ang susunod na magiging hakbang.

Mahigpit pong pinapayuhan po ang lahat na mag-ingat at sumunod sa ating mga public health protocol.

Maraming salamat po.