Welcome to the Official Website of Municipality of Quezon, Quezon!

Photos from Provincial Government of Quezon's post ... See MoreSee Less

𝐒𝐞𝐫𝐭𝐢𝐩𝐢𝐤𝐨 𝐧𝐠 𝐏𝐚𝐠𝐤𝐢𝐥𝐚𝐥𝐚 𝐚𝐭 𝐏𝐚𝐠𝐩𝐚𝐩𝐚𝐡𝐚𝐥𝐚𝐠𝐚, 𝐈𝐠𝐢𝐧𝐚𝐰𝐚𝐝 𝐧𝐠 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐧𝐠 𝐐𝐮𝐞𝐳𝐨𝐧 𝐬𝐚 𝐦𝐠𝐚 𝐍𝐚𝐭𝐚𝐭𝐚𝐧𝐠𝐢𝐧𝐠 𝐋𝐮𝐦𝐢𝐤𝐡𝐚 𝐧𝐠 𝐊𝐚𝐫𝐚𝐧𝐠𝐚𝐥𝐚𝐧 𝐬𝐚 𝐍𝐢𝐲𝐨𝐠𝐲𝐮𝐠𝐚𝐧 𝐅𝐞𝐬𝐭𝐢𝐯𝐚𝐥 𝟐𝟎𝟐𝟒, 𝐢𝐤𝐚-𝟏𝟔 𝐧𝐠 𝐒𝐞𝐭𝐲𝐞𝐦𝐛𝐫𝐞, 𝟐𝟎𝟐𝟒.

Quezon, Quezon — Isang makasaysayang araw ng pagbibigay-pugay ang isinagawa sa Sangguniang Bayan ng Quezon sa pamumuno ni Ikalawang Punong Bayan, Kgg. Pedrito Alibarbar, katuwang ang Punong Bayan Kgg. Juan F. Escolano, at mga kasapi ng Sangguniang Bayan. Pinangunahan nila ang paggagawad ng sertipiko ng pagkilala at pagpapahalaga sa mga natatanging mamamayan at tanggapan na naghatid ng karangalan sa bayan ng Quezon sa pamamagitan ng kanilang kahusayan sa Niyogyugan Festival 2024.

Isa sa mga tampok na pinarangalan ay si G. Eric Llames, na kinilala para sa kanyang mahalagang kontribusyon sa pagkakamit ng ikatlong pwesto sa Float Competition ng Niyogyugan Festival 2024. Ang karosang "Layag-Hiraya" ay sumasalamin sa kasaysayan, kultura, at pangarap ng bayan ng Quezon. Ang karosang ito ay produkto ng kahanga-hangang disenyo nina G. Julius Sisperez at Bb. Maureen Santurcas, na nagpamalas ng kanilang natatanging malikhaing kakayahan na lubos na hinangaan ng mga hurado at ng mga manonood.

Kabilang rin sa mga ginawaran ng pagkilala ay si G. Bench Andrie S. Verzola, na nakamit ang kampeonato sa Kulturang Quezonian Oratorical Competition. Ang kanyang matagumpay na pagkapanalo ay hindi magiging posible kung hindi sa suporta at gabay ng kanyang tagapagsanay na si G. Kim Sony Mendoza. Ang kanilang kolaborasyon ay nagpamalas ng kahusayan sa larangan ng pagsasalita at pagpapahayag, na naging inspirasyon hindi lamang sa kabataan kundi sa buong bayan.

Pinasalamatan din ang Tanggapan ng Pambayang Turismo, Kultura at Sining, sa pangunguna ni G. Rei Jerrico H. Badinas katuwang ang Tanggapan ng Pambayang Agrikultura, sa pamumuno ni Bb. Mary Rose O. Panol, para sa kanilang hindi matatawarang kontribusyon at dedikasyon sa pag-organisa at pagpapatakbo ng mga aktibidad na nagbigay-daan sa pagkamit ng bayan ng Quezon ng ikalimang pwesto sa kabuuang ranking ng Niyogyugan Festival 2024. Sa kabila ng kanilang limitadong mapagkukunan, matagumpay nilang naiangat ang pangalan ng bayan sa mga mas malalaking bayan at lungsod na kalahok.

Ang paggawad ng sertipiko ng pagkilala at pagpapahalaga ay hindi lamang isang simpleng selebrasyon ng mga tagumpay sa Niyogyugan Festival 2024, kundi isang pagdiriwang ng sama-samang pagkilos, dedikasyon, at pagmamalasakit sa bayan. Ang mga pinunong lokal at mga mamamayan ay umaasa na magpapatuloy ang ganitong mga inisyatiba upang higit pang itaguyod ang kahusayan at kultura ng bayan ng Quezon sa mga darating pang taon.

#SerbisyongJUANforAll
#QQAangat
#BakaQuezonYan
#TaraNaSaQuezon
#TourismQuezon ... See MoreSee Less

𝟐𝟎𝟐𝟒 𝐌𝐮𝐧𝐢𝐜𝐢𝐩𝐚𝐥 𝐒𝐞𝐚𝐫𝐜𝐡 𝐟𝐨𝐫 𝟒𝐏𝐬 𝐄𝐱𝐞𝐦𝐩𝐥𝐚𝐫𝐲 𝐂𝐡𝐢𝐥𝐝𝐫𝐞𝐧, 𝐢𝐤𝐚-𝟔 𝐧𝐠 𝐒𝐞𝐭𝐲𝐞𝐦𝐛𝐫𝐞, 𝟐𝟎𝟐𝟒 𝐬𝐚 𝐛𝐚𝐲𝐚𝐧 𝐧𝐠 𝐐𝐮𝐞𝐳𝐨𝐧, 𝐐𝐮𝐞𝐳𝐨𝐧.

Quezon, Quezon — Noong Setyembre 6, 2024, matagumpay na isinagawa ang 2024 Municipal Search for Exemplary 4Ps Children sa bayan ng Quezon, Quezon. Ang naturang patimpalak ay naging institusyonal simula noong 2020 sa ilalim ng Memorandum Circular No. 37, Series of 2020, na nagtatakda ng mga patakaran para sa pagpapatupad ng Search for Huwarang Pamilya at Search for Pantawid Pamilya Exemplary Children.

Ang layunin ng nasabing patimpalak ay kilalanin ang mga batang benepisyaryo ng Pantawid Pamilyang Pilipino Program (4Ps) na nagiging mabuting halimbawa sa kanilang mga tahanan, paaralan, at komunidad. Sa pagtatapos ng kompetisyon, nagwagi si Jenny Rose Z. Dimanarig mula sa Barangay Silangan bilang Municipal Winner. Siya ay magiging kinatawan ng bayan sa susunod na yugto ng kompetisyon sa antas ng distrito.

Ang pagpapatuloy ng Search for Exemplary 4Ps Children ay patunay ng dedikasyon ng pamahalaan sa pagtulong at pagbibigay ng oportunidad sa mga pamilyang Pilipino, partikular sa mga kabataang handang magsikap para sa kanilang pangarap at sa kanilang komunidad.

#SerbisyongJUANforAll
#qqaangat
#BakaQuezonYan ... See MoreSee Less

𝐋𝐢𝐧𝐠𝐠𝐨 𝐧𝐠 𝐌𝐚𝐥𝐚𝐬𝐚𝐤𝐢𝐭 𝐬𝐚 𝐊𝐚𝐥𝐢𝐤𝐚𝐬𝐚𝐧: 𝐌𝐚𝐧𝐠𝐫𝐨𝐯𝐞 𝐏𝐥𝐚𝐧𝐭𝐢𝐧𝐠 𝐚𝐧𝐝 𝐂𝐨𝐚𝐬𝐭𝐚𝐥 𝐂𝐥𝐞𝐚𝐧 𝐔𝐩 𝐃𝐫𝐢𝐯𝐞, 𝐢𝐤𝐚-𝟏𝟎 𝐧𝐠 𝐒𝐞𝐭𝐲𝐞𝐦𝐛𝐫𝐞, 𝟐𝟎𝟐𝟒 𝐬𝐚 𝐛𝐚𝐲𝐚𝐧 𝐧𝐠 𝐐𝐮𝐞𝐳𝐨𝐧, 𝐐𝐮𝐞𝐳𝐨𝐧.

Quezon, Quezon — Bilang bahagi ng pagdiriwang ng ika-124 na anibersaryo ng Philippine Civil Service, isinagawa ng Pamahalaang Bayan ng Quezon ang isang aktibidad na Linggo ng Malasakit sa Kalikasan: Mangrove Planting at Coastal Clean-Up.

Sa pangunguna ng lokal na pamahalaan ng Quezon, katuwang ang mga kawani ng pamahalaan ay sama-samang itinanim ang mga punla ng bakawan sa Quezon. Ang aktibidad na ito ay naglalayong palakasin ang proteksyon ng kalikasan, partikular na ang mga coastal areas, na nagsisilbing pananggalang laban sa mga bagyo at pagbaha, gayundin sa pagpaparami ng mga isda at iba pang marine life.

Kasabay ng mangrove planting, isinagawa rin ang coastal clean-up drive upang linisin ang mga tabing-dagat mula sa mga basura at plastik na nagdudulot ng polusyon at pinsala sa mga anyong-tubig.

Ang Linggo ng Malasakit sa Kalikasan ay isa lamang sa mga programang isinasagawa ng Bayan ng Quezon upang ipagdiwang ang Philippine Civil Service Anniversary. Magsisilbi itong inspirasyon sa iba pang lokal na pamahalaan na magpatuloy sa mga gawaing makatutulong sa pagpapanatili ng ating kapaligiran.

Ang matagumpay na pagtatanim ng mangrove at paglilinis ng tabing-dagat ay patunay ng pagkakaisa at dedikasyon ng pamahalaang lokal ng Quezon sa pagsusulong ng adbokasiya para sa kalikasan.

#SerbisyongJUANforAll
#PCSA2024
#124thPCSA
#SustainableCivilService
#qqaangat
#BakaQuezonYan ... See MoreSee Less