𝑆𝑜𝑢𝑟𝑐𝑒: 𝑆𝑎𝑛𝑔𝑔𝑢𝑛𝑖𝑎𝑛𝑔 𝐵𝑎𝑦𝑎𝑛
Kasalukuyang isinasagawa ang Public Hearing sa Municipal Training Center tungkol sa draft ordinance entitled AN ORDINANCE ADOPTING THE INTEGRATED ZONING REGULATIONS OF THE MUNICIPALITY OF QUEZON AND PROVIDING FOR THE ADMINISTRATION, ENFORCEMENT AND AMENDMENT THEROF AND FOR THE REPEAL OF ALL ORDINANCES IN CONFLICT THEREWITH.
𝑆𝑜𝑢𝑟𝑐𝑒: 𝑀𝑢𝑛𝑖𝑐𝑖𝑝𝑎𝑙 𝐴𝑔𝑟𝑖𝑐𝑢𝑙𝑡𝑢𝑟𝑒 𝑂𝑓𝑓𝑖𝑐𝑒
Isang mapagpalang araw!Magandang balita. Ang pay out para sa mga benepisyaryo ng Rice Farmers Financial Assistance (RFFA) ay matutuloy na sa darating na December 14, 2021 sa Brgy. 5 Poblacion Covered Court. Mahalagang Paalala:Muli po naming pinapaalalahanan ang mga benepisyaryo na magdala ng kahit anong Government Issued ID, kung saan dapat makikita ang kumpleto, buo at tunay na pangalan ng benepisyaryo (pangalan, panggitnang pangalan at apelyido) at petsa ng kapanganakan.Magdala rin po ng sariling ballpen at hindi po pinahihintulutan ang halig/representative. Para po sa may mga correction o pagtatama sa spelling ng pangalan, mangyari po na magdala ng Brgy. Certification na nagpapatunay sa tamang spelling ng pangalan na pirmado po ng Punong Barangay at may dry seal.Dapat pong nakasuot ng facemask sa panahon na isinasagawa ang pay out. At panatilihin ang health protocols para sa kaligatasan ng lahat.Maraming salamat po at mag-ingat po ang lahat.
Muling pinaaalalahan ang publiko na maghanda sa epekto ng binabantayang tropical depression sa labas ng bansa na inaasahang papasok ng Philippine Area of Responsibility bukas nang gabi at papangalanang “Odette.”Ayon sa Philippine Atmospheric, Geophysical and Astronomical Services Administration (PAGASA), inaasahang magla-landfall ang bagyong Odette sa bahagi ng Eastern Visayas o Caraga sa Huwebes nang hapon o gabi.Posibleng maging severe tropical storm ang bagyong Odette na maaaring umabot sa typhoon category.Magdadala ito nang malalakas na hangin sa Visayas, malaking bahagi ng Mindanao, at ilang probinsya sa Southern Luzon na makararanas din ng mga pag-ulan.Maaaring umabot hanggang signal no. 3 ang Tropical Cyclone Wind Signal na itataas sa mga lugar na apektado ng bagyo.Dagdag ng PAGASA, posibleng itaas ang signal no. 1 sa bahagi ng Eastern Visayas at Mindanao sa Martes nang hapon o gabi.Pinag-iingat ang mga apektadong lugar sa banta ng pagbaha, pagguho ng lupa, at mga panganib nang malakas na hangin dulot ng bagyo.Inaabisuhan din ang mga mangingisda at sasakyang pandagat na huwag nang pumalaot dahil sa mapanganib na kondisyon ng dagat.Tuloy-tuloy naman ang pag-antabay ng NDRRMC at Regional DRRMCs sa sitwasyon kaugnay ng bagyong Odette.Sa isinagawang pagpupulong ngayong araw, tinalakay ang iba’t ibang paghahanda sa mga apektadong lugar upang masiguro ang kaligtasan ng mga residente at agarang mga aksyon sa epekto ng bagyo.Patuloy na pag-iingat, pag-antabay sa ulat panahon at pagsunod sa mga abiso ng awtoridad ang paalala sa publiko.
Pagpupugay at pagbati sa Quezon Municipal Anti-Drug Abuse Council sa pangunguna ng ating Punong Bayan Kgg. MA. CARIDAD P. CLACIO at sa Lokal na Pamahalaan ng Quezon, Quezon sa pagiging Awardee ng ating bayan sa ginanap na 2020 ADAC Performance Audit.Maraming salamat sa Department of the Interior and Local Government (DILG), Dangerous Drugs Board (DDB) at Philippine Drug Enforcement Agency (PDEA) sa pagkilala at karangalang ito.
#KayangKayaBastatSamaSamaPaRin
