Author: CMS Encoder

JANUARY 22, 2022 @ 7:00am Municipal Covered Court

TREE PLANTING – Brgy. Villa Mercedes
COASTAL CLEAN UP – Brgy. 6 Pob to Brgy. Silangan

MAKIISA at maging KATUWANG ng pamahalaang bayan para sa PANGANGALAGA at PAGPAPANATILI ng LIKAS na YAMAN at GANDA ng ating KAPALIGIRAN! ! ! !


Ang gawaing ito ay bahagi ng selebrasyon ng ika-108 Taon na Pagkakatatag ng Bayan ng Quezon.

Ang karagatan, kabukiran, kabundukan at kakahuyan ang siyang pangunahing pinagkukunan ng kabuhayan ng ating bayan. Mayaman tayo sa mga produktong mula sa magaganda nating baybayin at karagatan ganundin sa mga produktong mula sa bukid at kagubatan. Sa panahon ngayon ay nakikilala na ang ating bayan bilang isa sa mga bayan na may pinakamagagandang resorts, dalampasigan at malinaw at malinis na dagat sa ating buong lalawigan.

Isang malaking hamon sa ating lokal na pamahalaan na ito ay mapagyaman at mapangalagaan. Kung kaya naman ang Pamahalaang Lokal sa pangunguna ng ating Punong Bayan, Kgg. Ma. Caridad P. Clacio, Pambayang Tanggapan ng Turismo, Kultura at ng Sining at ng Pambayang Konseho ng Kultura at ng Sining ay ilulunsad ang isang makabuluhang gawaing ito. Ninanais natin na MAGKAROON ng malalim na KAMALAYAN at YAKAPIN ang RESPONSIBILIDAD na TAYO ang siyang MANGANGALAGA sa YAMAN ng ATING BAYAN.

Ang gawain pong ito ay lalahukan ng mga sumusunod:
-Kawani ng pamahalaang lokal
-Kawani ng mga pang nasyunal at pangrehiyong tanggapan,
-Municipal Culture and the Arts Council
-Kinatawan ng mga Civil Society Organization

LIMITADO lamang po ang BILANG na pwedeng LUMAHOK kung kaya ang mga indibidwal at samahan na nagnanais makiisa sa gawain ito ay hinihikayat na MAGPATALA. Magpaabot lamang po mensahe kay G. Rei Jerrico H. Badinas o kay Gng. Rhobelin H. Sasot para sa pagpapatala at detalye ng gawain.

PINAPAALAALA din po na pawang mga FULLY VACCINATED lamang po ang maaari naming isali sa gawaing ito.

#108thFoundingAnniversary
#TreePlantingCoastalCleanUp
#QuezonQuezon
#QuezonTourism
#qqAangat 

TAYO PO AY NAKAKARANAS NG IKA-APAT NA BUGSO NG COVID SA ATING BAYAN

Gaya ng nangyayari sa maraming bahagi ng Pilipinas, ang ating bayan po ay nakararanas ng ating ika-apat na bugso ng dami ng kaso ng COVID-19.

Simula nang unang matala ang unang kaso ngayong taon sa ating bayan noong ika-6 ng Enero, tayo po ay umakyat na po sa 7 na kaso kahapon, ika-9 ng Enero, kasama ang dalawang pagkamatay. Sa kasalukuyan, ang sumusunid ang tala ng dami ng naitalang kaso at mga namatay kada barangay:
Brgy 1- 1 case
Brgy 3 – 2 cases
Brgy 4 – 1 case, 1 death
Brgy 6 – 1 caseCometa – 2 cases, 1 death

Ang 4 sa mga kasong nabanggit ay natukoy sa ospital. 5 ay banayad lamang ang mga sintomas gaya ng lagnat at ubo, samantalang dalawa ay namatay.

Sa dalawang namatay, isa ang nakaranas ng malalang sintomas habang ang isa ay may banayad na sintomas subalit namatay mula sa pagkabahok ng ulo. Ang dalawang namatay ay parehong may ibang mga sakit na maaaring napalala ng kanilang pagkakaroon ng COVID infection.

Ang kasalukuyang bugso ay nakikitang dulot ng pagluluwag at mga pagtitipon nitong nakaraang Kapaskuhan at Bagong Taon. Sa anim na kaso ito, dalawa lamang ang may naitalang pakikihalubilo sa isa’t isa. Ang natitirang apat ay walang maitalang nakahalubilong alam na kaso ng kumpirmadong COVID.

Bagaman mataas na porsyento ng ating bayan ang nabakunahan, maaari pa rin tayong mahawa. Ang bakuna ay proteksyon sa malalang uri ng COVID-19.
Mag-ingat po tauong lahat:
>Iwasan ang hindi kinakailangang pagtitipon.
>Siguraduhing nakasuot nang maayos ang mask.
>Kung may kikitaing hindi kasama sa bahay, magtipon sa mga lugar na may magandang daloy ng hangin.
>Magpabakuna sa pinakamaagang panahon.
>Kung may kakaibang nararandaman, agad magpatingin sa pagamutan at magisolate sa bahay. Mag-iingat po tayong lahat.

𝑆𝑜𝑢𝑟𝑐𝑒: 𝑄𝑢𝑒𝑧𝑜𝑛 𝑀𝑢𝑛𝑖𝑐𝑖𝑝𝑎𝑙 𝐼𝑛𝑡𝑒𝑟-𝐴𝑔𝑒𝑛𝑐𝑦 𝑇𝑎𝑠𝑘 𝐹𝑜𝑟𝑐𝑒 (𝑀𝐼𝐴𝑇𝐹) 𝐴𝑔𝑎𝑖𝑛𝑠𝑡 𝐶𝑂𝑉𝐼𝐷-19

Dumating na sa ating bayan ang ating ULTF.Sa pangunguna ng ating Punong Bayan, Kgg. MA. CARIDAD P. CLACIO, at ng ating IATF, nakapaglaan ang ating lokal na pamahalaan ng pambili ng ating sariling Ultra-Low Temperature Freezer buhat sa pondo ng Tanggapan ng Pambayang Manggagamot at Municipal Disaster Risk Reduction and Management Fund.

Dahil dito, inaasahang mas mabilis ang magiging pagpapababa ng mRNA Vaccines, gaya ng Pfizer at Moderna Vaccines laban sa COVID-19 sa ating bayan.