Month: March 2025

PUBLIC CONSULTATION PARA SA IRR NG RA 10943, ISINAGAWA SA BAYAN NG QUEZON.

Quezon, Quezon— Isinagawa kahapon, ika-26 ng Marso, 2025 ang isang pampublikong konsultasyon para sa draft Implementing Rules and Regulations (IRR) ng Republic Act 10943, na nagtatakda ng pagtatayo ng isang Legislated Multi-Species Marine Hatchery na eksklusibong magpo-produce ng Pompano na ginanap sa Municipal Training Center.

Pinangunahan ng Bureau of Fisheries and Aquatic Resources (BFAR) ang konsultasyon, kung saan dumalo ang ating Punong Bayan, Kgg. Juan F. Escolano, Ikalawang Punong Bayan, Kgg. Pedrito L. Alibarbar, mga pinuno ng bawat tanggapan ng lokal na pamahalaan, at mga kinatawan ng sektor ng mangingisda sa Quezon.

Sa talakayan, ipinaliwanag ng BFAR ang mahahalagang probisyon ng IRR, kabilang ang mga proseso sa pagtatanim at pagpaparami ng Pompano, pati na rin ang mga regulasyon upang mapanatili ang kalidad at sustainability ng produksyon. Layunin ng proyektong ito na palakasin ang industriya ng Pompano sa bayan, magbigay ng mas maraming oportunidad sa mga mangingisda, at itaas ang kita ng sektor ng pangisdaan.

Nagkaroon din ng bukas na diskusyon kung saan nagbigay ng mga suhestiyon at mga katanungan ang mga pinuno ng bawat tanggapan at mga lokal na mangingisda upang matiyak ang epektibong pagpapatupad ng hatchery.

Sa kabila ng mga positibong layunin ng proyekto, tinalakay rin sa konsultasyon ang ilang hamon at suliraning kinakaharapat maaaring pang kaharaoin ng pamahalaan at lokal na industriya ng pangingisda sa bayan ng Quezon.

Inaasahang matapos ang pinal na bersyon ng IRR matapos ang masusing pagsusuri at pagsasaalang-alang ng mga natanggap na mungkahi mula sa konsultasyong ito.

#SerbisyongJuanForAll #BakaQuezonYan #QQAangat #QQUpdates #MQQPIO

ISANG GABI NG NGITI AT SAYA: FREE RIDE FOR EVERY-JUAN, HATID NI MAYOR JUAN F. ESCOLANO.

Quezon, Quezon – Isang gabi na puno ng ligaya at di-malilimutang karanasan ang inihatid ng “Free Ride for Every-Juan” kagabi Marso 26, 2027 na kaloob ng ating Punong Bayan Kgg. Juan F. Escolano, maraming Quezonians ang nakaranas ng libreng sakay sa mga rides tulad ng Vikings, Flying Bee, at Ferris Wheel—isang simpleng paraan upang maibahagi ang saya sa bawat isa.

Sa pagbukas pa lamang ay agad nang bumuhos ang sigaw ng tuwa at kasabikan ng mga bata, pamilya, at magkakaibigan, ngunit higit pa sa mga rides, ang tunay na diwa ng gabi ay ang pagmamalasakit at pagmamahal sa bawat Quezonian.

Sa gitna ng kasayahan, si Mayor Juan F. Escolano ay nakiisa sa mga nakapila—walang sawang nakikipagkwentuhan, at sinisiguradong lahat ay may pagkakataong mag-enjoy. Dahil naniniwala siya na ang bawat ngiti, bawat sigaw ng tuwa, at bawat sandali ng kasiyahan ay isang karapat-dapat na regalo for every-JUAN, patuloy niyang ipinararamdam na sa Quezon, Quezon, ang saya at malasakit ay para sa lahat.

Sa pagtatapos ng gabi, kitang-kita ang ngiting bitbit ng bawat isa pauwi, dala ang alaala ng isang espesyal na karanasang hindi nila malilimutan. Tunay na isang gabing nagpapatunay na sa Quezon, Quezon, hindi lang pag-unlad ang pinahahalagahan, kundi pati ang kasiyahan at kapakanan ng bawat mamamayan!

LGU Quezon, Quezon

#SerbisyongJuanForAll #BakaQuezonYan #QQAangat #QQUpdates #MQQPIO

INSTITUTE OF ENVIRONMENTAL GOVERNANCE NG SLSU, BUMISITA SA BAYAN NG QUEZON PARA SA SOLID WASTE MANAGEMENT AT MANGROVE CONSERVATION.

Quezon, Quezon—Naging makabuluhan ang pagbisita ng Institute of Environmental Governance (IEG) ng Southern Luzon State University (SLSU) sa Pamahalaang Bayan ng Quezon sa pamumuno ng ating Punong Bayan, Kgg. Juan F. Escolano, kung saan tinalakay ang mga planong pangkalikasan, kabilang ang pagpapatupad ng Area Specific Action Plan (ASAP) sa Solid Waste Management at ang pagtatatag ng Mangrove Nursery at Aquasilviculture Project.

Sa isinagawang pulong kasama ang mga opisyal ng Pamahalaang Lokal sa pangunguna ni G. Jhon Errol D. Sisperez mula sa Quezon MDRRMO, Bb. Remelyn Oliveros mula sa MPDC/MENRO at Bb. Leizel Jimenez mula sa MAO, tinalakay ng IEG-SLSU ang mga epektibong estratehiya sa solid waste management, kabilang ang, pagtatatag ng mas epektibong sistema ng segregation, collection, at disposal ng basura pagsulong ng waste reduction programs tulad ng composting at recycling; at pagpapalakas ng community participation at edukasyon sa tamang pagtatapon ng basura.

Bukod sa solid waste management, tinalakay din ng IEG-SLSU ang kanilang suporta sa pagtatatag ng Mangrove Nursery at Aquasilviculture Project sa bayan. Layunin ng proyektong ito na mapalakas ang proteksyon laban sa coastal erosion at climate change, mapanatili ang balanse ng marine ecosystem sa pamamagitan ng rehabilitasyon ng mga bakawan at makapagbigay ng karagdagang kabuhayan sa mga lokal na mangingisda sa pamamagitan ng sustainable aquasilviculture.

Matapos ang pagbisita, tiniyak ng Pamahalaang Lokal ng Quezon sa pamumuno ng ating Punong Bayan, Kgg. Juan F. Escolano at IEG-SLSU na magpapatuloy ang kanilang koordinasyon upang maipatupad ang mga nabanggit na proyekto. Kasalukuyang inihahanda ang mga kinakailangang plano, pasilidad, at pagsasanay na magiging bahagi ng implementasyon.

Samantala, hinihikayat ang lahat ng mamamayan ng Quezon na makiisa sa mga programang ito upang matiyak ang isang malinis, maayos, at sustainable na kapaligiran para sa kasalukuyan at hinaharap na henerasyon.

#SerbisyongJuanForAll #BakaQuezonYan #QQAangat #QQUpdates #MQQPIO

RA 11310 O 4Ps LAW, CVS AT F1KD ORIENTATION, ISINAGAWA SA QUEZON, QUEZON

Quezon, Quezon—Upang mapalalim ang kaalaman ng mga guro, kawani ng Department of Health (DOH), at Child Development Workers (CDWs) sa mga mahahalagang programang pangkalusugan at pangkabuhayan ng pamahalaan, isinagawa kamakailan ang Orientation on Republic Act 11310 o 4Ps Law, Conditional Cash Transfer Verification System (CVS), at First 1000 Days Program (F1KD) sa Senior Citizen’s Building, Barangay 5, Quezon, Quezon na pinangunahan ng lokal na tanggapan ng Pantawid Pamilyang Pilipino Program sa pamumuno ni Mr. Dexter Glodoviza.

Pinangunahan ang orientation ni G. Paul Marco R. Lavarro, CVS Focal ng Cluster 4, kung saan ipinaliwanag niya ang kahalagahan ng mga naturang programa sa pagpapaunlad ng buhay ng mga pamilyang benepisyaryo.

Binigyang-diin sa orientation ang Republic Act 11310 o ang Pantawid Pamilyang Pilipino Program (4Ps), isang pambansang programa na nagbibigay ng tulong pinansyal sa mga mahihirap na pamilya kapalit ng pagsunod sa ilang kondisyong pangkalusugan at pang-edukasyon.

Ipinaliwanag din sa programa ang Conditional Cash Transfer Verification System (CVS), isang sistema na sumusubaybay sa pagsunod ng mga benepisyaryo sa mga kondisyon ng 4Ps. Inilahad ni G. Lavarro ang kahalagahan ng tamang datos at dokumentasyon upang matiyak na ang tulong pinansyal ay napupunta sa mga kwalipikadong pamilya.

Isang mahalagang bahagi rin ng orientation ang First 1000 Days Program (F1KD), na nakatuon sa nutrisyon at pangangalaga sa kalusugan ng mga sanggol mula sa sinapupunan hanggang sa kanilang ikalawang kaarawan.

Patuloy na hinihikayat ng Pamahalaang Lokal ng Quezon sa pangiunguna nf ating Punong Bayan, Kgg. Juan F. Escolano at ng Lokal na Tanggapan ng 4Ps ang pakikiisa ng buong komunidad upang masigurong epektibo ang implementasyon ng mga programang ito para sa mas maunlad at mas malusog na hinaharap ng bawat pamilyang Quezonian.

#SerbisyongJuanForAll #BakaQuezonYan #QQAangat #QQUpdates #MQQPIO

Bayan ng Quezon, Kinilala sa Mataas na Porsyento ng Paggamit ng Pondo sa PMNP Performance-Based Grant Tranche 1.

Quezon, Quezon – Muling pinatunayan ng Bayan ng Quezon ang husay at epektibong pamamahala ng pondo matapos kilalanin sa ginanap na PMNP Performance Budget Utilization sa Hotel Kimberly, Tagaytay City nitong ika-6 ng Marso, 2025.

Sa naturang pagtitipon, iginawad sa Bayan ng Quezon ang pagkilala sa 44.93% disbursement rate ng Performance-Based Grant (PBG) Tranche 1, na isa sa pinakamataas sa unang kalahati ng implementasyon ng programa. Dahil dito, kabilang ang bayan sa Top 10 Municipalities na may Highest Disbursement Rate sa hanay ng 24 na munisipalidad na sakop ng PMNP PBG Tranche 1 na tinanggap nina Bb. Mary Ann Caperiña, G. Ronnie Sobiono at G. Marjonnel Novilla.

Ang pagkilalang ito ay nagpapakita ng mahusay na paggamit ng pondo ng lokal na pamahalaan upang matiyak ang maayos na implementasyon ng mga proyekto para sa kaunlaran ng bayan at kapakinabangan ng mga mamamayan.

Sa pangunguna ng Pamahalaang Bayan ng Quezon sa pamumuno ng ating Punong Bayan, Kgg. Juan F. Escolano katuwang ang Sangguniang Bayan sa pamumuno ng ating Ikalawang Punong Bayan, Kgg. Pedrito L. Alibarbar at ang bawat tanggapan, patuloy nitong isusulong ang transparency at accountability sa paggastos ng pondo upang matugunan ang mga pangangailangan ng bayan.

Ang pagkilala na ito ay isang patunay ng dedikasyon ng Bayan ng Quezon sa responsableng pamamahala ng pondo at pagpapatupad ng mga proyektong magpapabuti sa kalidad ng buhay ng bawat mamamayan.

#SerbisyongJuanForAll #BakaQuezonYan #QQAangat #QQUpdates #MQQPIO

Suporta sa 4Ps at F1KD Program, Mas Pinalawak sa Pakikipagtulungan ng MSWDO at DSWD katuwang ang Pamahalaang lokal ng Quezon.

Quezon, Quezon—Sa pakikipag-ugnayan ng Municipal Social Welfare and Development Office (MSWDO) sa pangunguna ni Gng. Erma R. Barretto, RSW at ng lokal na tanggapan ng Pantawid Pamilyang Pilipino Program sa pangunguna ni Mr. Dexter Glodoviza, bumisita sa Tanggapan ng Punong Bayan, Kgg. Juan F. Escalano, ang ilang kinatawan mula sa Department of Social Welfare and Development (DSWD) Central at Regional Office upang talakayin ang mahahalagang programa para sa mga benepisyaryo ng Pantawid Pamilyang Pilipino Program (4Ps) at iba pang sektor sa komunidad.

Isa sa pangunahing layunin ng pagbisitang ito ay ang Compliance Verification System Discussion at Orientation Meeting para sa Listahanan: E-Registration Program, na naglalayong tiyakin ang maayos na implementasyon ng 4Ps at matukoy ang mga kwalipikadong pamilya na maaaring maisama sa programa.

Bukod dito, tinalakay rin ang F1KD Program (First 1000 Days) na nakatuon sa pagbibigay ng karagdagang suporta sa mga buntis at mga ina na may anak na may edad 0-2 taong gulang. Layunin nitong mapalakas ang kalusugan ng mga bata sa kanilang unang 1000 araw ng buhay upang maiwasan ang malnutrisyon at iba pang suliraning pangkalusugan.

Kaugnay rin ng pagdiriwang ng 2025 National Women’s Month na may temang “Babae sa Lahat ng Sektor, Aangat ang Bukas sa Bagong Pilipinas,” binigyang-diin ang papel ng kababaihan sa pagpapaunlad ng bayan. Sa kanyang Closing at Inspirational Remarks, pinasalamatan ni Gng. Erma Rodriguez Barretto ang lahat ng lumahok sa pagpupulong at binigyang-diin ang kahalagahan ng patuloy na pagsuporta sa mga programang pangkawanggawa.

Isinagawa rin ang Home Visitation for Grievance Case, kung saan personal na binisita at inalam ang kalagayan ng ilang pamilya upang matugunan ang kanilang hinaing at pangangailangan.

Ang pagpupulong na ito ay isang patunay ng patuloy na pagsisikap ng DSWD at lokal na pamahalaan na tiyakin ang mas epektibong serbisyo para sa mga nangangailangang mamamayan, lalo na ang mga kabilang sa 4Ps at kababaihang Pilipino.

#SerbisyongJuanForAll #BakaQuezonYan #QQAangat #QQUpdates #MQQPIO

𝐐𝐮𝐞𝐳𝐨𝐧 𝐄𝐥𝐞𝐦𝐞𝐧𝐭𝐚𝐫𝐲 𝐅𝐨𝐨𝐭𝐛𝐚𝐥𝐥 𝐓𝐞𝐚𝐦, 𝐊𝐚𝐦𝐩𝐞𝐨𝐧 𝐬𝐚 𝐑𝐀𝐀𝐌 𝟐𝟎𝟐𝟓 𝐅𝐨𝐨𝐭𝐛𝐚𝐥𝐥 𝐄𝐥𝐞𝐦𝐞𝐧𝐭𝐚𝐫𝐲 𝐧𝐚 𝐠𝐢𝐧𝐚𝐧𝐚𝐩 𝐬𝐚 𝐑𝐢𝐳𝐚𝐥 𝐚𝐭 𝐀𝐧𝐭𝐢𝐩𝐨𝐥𝐨, 𝐢𝐤𝐚-𝟓 𝐧𝐠 𝐌𝐚𝐫𝐬𝐨, 𝟐𝟎𝟐𝟓.

Quezon, Philippines – Isang makasaysayang tagumpay ang nakamit ng Quezon Elementary Football Team matapos nilang masungkit ang kampeonato sa RAAM 2025 Football Elementary laban sa Batangas sa iskor na 2-1 na naitala nina Hairon Vein Paraiso at Gemrod Salvante. Sa isang matinding laban, pinatunayan ng mga batang atleta ang kanilang husay, disiplina, at determinasyon sa larangan ng football.

Sa pangunguna ng kanilang masipag na Coach, G. Mark Villareal at tagapagsanay, G. Yracelbert Reyes at sa patuloy na suporta ng Quezon Islander Football Club (QIFC), nagpakita ng pambihirang laro ang koponan upang masungkit ang tagumpay. Ipinamalas nila hindi lamang ang galing sa football kundi pati na rin ang sportsmanship at teamwork na naging susi sa kanilang panalo.

Lubos ang pagbati ng ating Pamahalaang Lokal sa pangunguna ng ating Punong Bayan, Kgg. Juan F. Escolano katuwang ang bumubuo ng Sangguniang Bayan sa pangunguna ng ating ikalawang Punong Bayan, Kgg. Pedrito L. Alibarbar at ang buong bayan ng Quezon. Ang kanilang panalo ay hindi lamang para sa kanila kundi para sa buong lalawigan at lalo’t higit sa buong bayan ng Quezon na patuloy na sumusuporta sa pagpapalakas ng sports sa kabataan. Ipinakita nila na sa puso ng bawat batang Quezonian, may dugong mandirigma na handang ipaglaban ang karangalan ng ating bayan!

Dahil sa tagumpay na ito, sila ngayon ang magiging kinatawan ng Region 4A CALABARZON sa nalalapit na Palarong Pambansa 2025 sa Ilocos Norte. Mas lalo pa nilang paghahandaan ang kompetisyong ito upang patuloy na ipagmalaki ang kanilang bayan sa pambansang antas.

Patuloy nating suportahan at ipagmalaki ang ating mga atletang kabataan na siyang nagbibigay dangal sa ating bayan. Mabuhay ang Quezon! Mabuhay ang ating mga batang kampeon!

#RAAM2025

#SerbisyongJUANforAll

PAGDIRIWANG NG FIRE PREVENTION MONTH SA BAYAN NG QUEZON, MATAGUMPAY NA SINIMULAN.

QUEZON, QUEZON – Matagumpay na isinagawa ang Kick-off Ceremony ng Fire Prevention Month 2025 sa Bayan ng Quezon noong ika-1 ng Marso, na sinimulan sa isang makulay na motorcade na lumibot sa pangunahing lansangan ng bayan. Ang nasabing programa ay pinangunahan ng Quezon Bureau of Fire Protection (BFP) sa pangunguna ni SF01 Simeon C. Sasot Jr., Caretaker/OIC, katuwang ang Pamahalaang Bayan ng Quezon sa pangunguna ng ating Punong Bayan, Kgg. Juan F. Escolano katuwang ang Sangguniang Bayan sa pamumuno ng ating Ikalawang Punong Bayan, Kgg. Pedrito L. Alibarbar.

Dinaluhan ito ng iba’t ibang organisasyon, barangay officials, at mga kawani ng pamahalaan, layunin ng programa na ipalaganap ang kamalayan ukol sa kahalagahan ng fire safety at prevention upang maiwasan ang sunog sa mga tahanan at establisyemento.

Sa maikling programa, nagbigay ng mensahe ang ating Punong Bayan bilang Pangunahing Tagapagsalita, na kinatawanan ng ating Pambayang Tagatasa, G. Roden G. Rea, kung saan binigyang-diin ang papel ng bawat mamamayan sa pagpapanatili ng kaligtasan laban sa sunog. Pinuri rin niya ang pagsisikap ng BFP at iba pang katuwang na ahensya sa pagpapatupad ng mga hakbang upang maprotektahan ang bayan mula sa sakuna.

Bilang pagpapakita ng pagkakaisa sa layunin ng kampanya, nagtapos ang programa sa isang makabuluhang Covenant Signing, kung saan lumagda ang mga kinatawan ng pamahalaan, BFP, at iba pang organisasyon bilang tanda ng kanilang pangakong aktibong susuporta sa fire prevention initiatives ng bayan.

Sa pamamagitan ng ganitong mga aktibidad, patuloy na isinusulong ng Pamahalaang Bayan ng Quezon at BFP ang pagiging handa at maagap sa pag-iwas sa sunog, upang matiyak ang kaligtasan ng bawat.