𝐁𝐇𝐖 𝐂𝐀𝐏𝐀𝐂𝐈𝐓𝐘 𝐃𝐄𝐕𝐄𝐋𝐎𝐏𝐌𝐄𝐍𝐓 || 𝐌𝐚𝐫𝐜𝐡 𝟒, 𝟐𝟎𝟐𝟐

𝑆𝑜𝑢𝑟𝑐𝑒: 𝑅𝐻𝑈 𝑄𝑢𝑒𝑧𝑜𝑛, 𝑄𝑢𝑒𝑧𝑜𝑛

Bilang paghahanda sa buong pagpapatupad ng Universal Health Care at bilang pagtalima sa pabatid ng Provincial Health Office, tinipon ng ating RHU ang lahat ng mga Barangay Health Worker ng bayan upang mapag-usapan ang proseso ng pagpaparehistro sa BHW Registration at Accreditation Committee ng ating bayan.

Ginawa na ring pagkakataon ito ng ating RHU na magbigay ng ulat sa ating mga BHW tungkol sa mga datos pangkalusugan ng ating bayan para sa taong 2022 at magbahagi ng batayang kaalaman tungkol sa mental health o kalusugang pangkaisipan para mabigay ang mga serbisyong may kinalaman dito sa ating mga kababayan.

Ang mga barangay health worker ay mahahalagang kasamang manggagawang pangkalusugan sapagkat sila madalas ang unang tumutugon sa mga pangangailangang pangkalusugan sa ating mga pamayanan.